fbpx

ချင်းလက်နက်ကိုင် ပူးပေါင်းမဟာမိတ်အဖွဲ့များရှိရာသို့စစ်ကောင်စီတပ်က လေကြောင်းသုံးပစ်ခတ်တိုက်ခိုက်

By MPA

ဇန္နဝါရီလ(၁၅)ရက်နေ့ နေ့လယ်(၂)နာရီခွဲခန့်က ချင်းပြည်နယ်၊ တီးတိန်မြို့နယ်၊ သိုင်ငင်းရွာအနီးရှိ
ချင်းလက်နက်ကိုင် ပူပေါင်းမဟာမိတ်တပ်ဖွဲ့များ ရှိသည့်နေရာသို့ စစ်ကောင်စီတပ်က လေယာဉ်ဖြင့်ပစ်ခတ်တိုက်ခိုက်ခဲ့ကြောင်းသိရသည်။

စစ်ကောင်စီတပ်က လေယာဉ်နဲ့တိုက်ခိုက်ခဲ့သော နေရာမှာCDM(စီးယင်း)၊ PDF( Zoland)
CNDF(ဖလမ်း)၊ CNF နှင့်အခြား စစ်အာဏာရှင် တော်လှန်ရေး ချင်းလက်နက်ကိုင်ပူးပေါင်းမဟာမိတ် အဖွဲ့များ ရှိသည့်နေရာဖြစ်ကြောင်း သိရသည်။

“ ဒီနေ့မနက်တက်လာတဲ့ စစ်ကောင်စီအအဖွဲ့တွေအထိနာ သွားတယ်။ သူတို့စစ်ကြောင်းနဲ့ရင်ဆိုင်တိုက်ပွဲဖြစ်ပွားတယ်။သူတို့
ဘက်က အထိနာပြီးနောက်လှန်သွားကြတယ်။ သူတို့ဘက်က နောက်လှန်သွားလို့ အမြောက်နဲ့လာထုတယ်။ ပြီးတော့ လေယာဉ်နဲ့လာတိုက်ကြတယ် ´´ ဟု PDF(Zoland)မှ တာဝန်ရှိသူတစ်ဦးက
ပြောသည်။

ဇန္နဝါရီ(၁၅)ရက်နေ့ မနက်ပိုင်းတိုက်ပွဲတွင် ချင်းတော်လှန်ရေးပူးပေါင်း မဟာမိတ်များဘက်က ထိခိုက်မှုမရှိခဲ့သော်လည်း လေယာဉ်နဲ့တိုက်ခိုက်ခံရမှုတွင် ထိခိုက်မှုအချို့ ရှိခဲ့ကြောင်း၊ ချင်းတော်လှန်ရေးမဟာမိတ်များအဖွဲ့ဘက်မှ ဒဏ်ရာရသူ ခုနှစ်ဦးရှိခဲ့သော်လည်း မစိုးရိမ်ရကြောင်း၊ စစ်ကောင်စီဘက်မှ ထိခိုက်ကျတုံးမှုစာရင်းကို ထုတ်ပြန်ပြောကြားနိုင်ခြင်းမရှိသေးကြောင်း PDF(Zoland)မှ တာဝန်ရှိသူတစ်ဦးက ပြောသည်။

Leave a Reply

You might like

© 2022 Myanmar Pressphoto Agency - WordPress Theme by WPEnjoy
%d bloggers like this: